TEAMtalk ma’lumotlariga ko‘ra, "Kristal Pelas" va Angliya terma jamoasi yarim himoyachisi Adam Uorton "Chelsi"ning yanvar oyidagi transfer oynasidagi eng asosiy maqsadi hisoblanadi.
Manbaga ko‘ra, 21 yoshli futbolchi o‘zining xotirjamligi, uzatmalar masofasi va o‘yinni uzoqdan nazorat qilishi bilan "ko‘klar"ning e’tiborini tortgan. "Chelsi" murabbiylar shtabi Uorton kelajakda asosiy o‘yinchiga aylanishiga ishonadi.
Bu mavsumda Uorton barcha musobaqalarda 15 ta o‘yinda maydonga tushdi va bitta golli uzatmani amalga oshirdi.
