Avval xabar berganimizdek, argentinalik hujumchi Mauro Ikardi uch yildan buyon to‘p tepayotgan Turkiyaning "Galatasaroy" klubini tark etishi mumkin. Agar shunday bo‘lsa, unga da’vogarlardan biri Italiyaning "Milan" klubi bo‘lishi mumkin, deb xabar beradi Pianetamilan. Ikardi o‘tmishda Milanning boshqa klubi - "Inter"da o‘ynagan.

Shu bilan birga, germaniyalik jurnalist Florian Plettenbergning yozishicha, Istanbulning "Galatarasoy" klubi Ikardi bilan xayrlashishni istamaydi va unga yangi shartnoma taklif qilishga tayyor. Va hatto bu boradagi muzokaralarning birinchi raundini yaqin kunlarga rejalashtirdi.