Аввал хабар берганимиздек, аргентиналик ҳужумчи Мауро Икарди уч йилдан буён тўп тепаётган Туркиянинг "Галатасарой" клубини тарк этиши мумкин. Агар шундай бўлса, унга даъвогарлардан бири Италиянинг "Милан" клуби бўлиши мумкин, деб хабар беради Pianetamilan. Икарди ўтмишда Миланнинг бошқа клуби - "Интер"да ўйнаган.

Шу билан бирга, германиялик журналист Флориан Плеттенбергнинг ёзишича, Истанбулнинг "Галатарасой" клуби Икарди билан хайрлашишни истамайди ва унга янги шартнома таклиф қилишга тайёр. Ва ҳатто бу борадаги музокараларнинг биринчи раундини яқин кунларга режалаштирди.