"Barselona" prezidenti Joan Laporta Chempionlar ligasining navbatdagi uy uchrashuvini "Kamp Nou"da o‘tkazish mumkin, deb hisoblamoqda.

9 dekabr kuni "Barselona" ECHL umumiy bosqichi doirasida "Ayntraxt"ni qabul qiladi. Kataloniyaliklar 22 noyabr kuni "Atletik"ka qarshi o‘yinda "Kamp Nou"ga qaytadi, ammo stadionda muxlislarni ajratib bo‘lmasligi sababli mehmonlar muxlislariga standart chiptalar ajratmaydi.

"Yaqin vaqt ichida UEFA qarorini olamiz, ularning talablarini bajarish uchun barcha zarur narsalarni tayyorlayapmiz. Bu o‘yinda ham raqib muxlislari uchun kvotani bajarishimiz kerak bo‘ladi - bu La Liga uchun emas, UEFA uchun zarur. Biz buning ustida ishlayapmiz va "Kamp Nou"da "Ayntraxt" bilan o‘ynash haqiqat ekanini tasdiqlaymiz.

Agar kvota bo‘lmasa ["Ayntraxt" muxlislari uchun], buning iloji bo‘lmaydi, lekin men optimistik kayfiyatdaman va umid qilamanki, biz uyda o‘ynay olamiz", - dedi Laporta.