"Барселона" президенти Жоан Лапорта Чемпионлар лигасининг навбатдаги уй учрашувини "Камп Ноу"да ўтказиш мумкин, деб ҳисобламоқда.
9 декабрь куни "Барселона" EЧЛ умумий босқичи доирасида "Айнтрахт"ни қабул қилади. Каталонияликлар 22 ноябрь куни "Атлетик"ка қарши ўйинда "Камп Ноу"га қайтади, аммо стадионда мухлисларни ажратиб бўлмаслиги сабабли меҳмонлар мухлисларига стандарт чипталар ажратмайди.
"Яқин вақт ичида УEФА қарорини оламиз, уларнинг талабларини бажариш учун барча зарур нарсаларни тайёрлаяпмиз. Бу ўйинда ҳам рақиб мухлислари учун квотани бажаришимиз керак бўлади - бу Ла Лига учун эмас, УEФА учун зарур. Биз бунинг устида ишлаяпмиз ва "Камп Ноу"да "Айнтрахт" билан ўйнаш ҳақиқат эканини тасдиқлаймиз.
Агар квота бўлмаса ["Айнтрахт" мухлислари учун], бунинг иложи бўлмайди, лекин мен оптимистик кайфиятдаман ва умид қиламанки, биз уйда ўйнай оламиз", - деди Лапорта.
