Ўзбекистон Суперлигасининг 18-туридан ўрин олган "Бухоро" — "Нефтчи" учрашуви мезбонларнинг йирик ғалабаси билан якунланди — 4:1.

Баҳсда ҳисоб 37-дақиқада очилди. "Бухоро" ярим ҳимоячиси Шерзод Эсанов пенальтини аниқ амалга ошириб, жамоасини олдинга олиб чиқди.

Биринчи бўлимга қўшиб берилган учинчи дақиқада Нурмуҳаммад Абдуғаниев "Нефтчи"нинг жавоб голини уриб, ҳисобни тенглаштирди — 1:1.

Иккинчи бўлим бошланиши билан "Бухоро" яна олдинга чиқди. 46-дақиқада Шерзод Эсанов дубль расмийлаштирди. 73-дақиқада Темур Мамасиддиқов мезбонларнинг учинчи голини урди.

Учрашувга якуний нуқтани 90+2-дақиқада Владимир Родич қўйди. Унинг голидан сўнг ҳисоб 4:1 кўринишига келди.

Шу тариқа, Александр Хомяков бошчилигидаги "Бухоро" ўз майдонида "Нефтчи"ни йирик ҳисобда мағлуб этди.

Суперлига, 18-тур

"Бухоро" — "Нефтчи" — 4:1

Голлар: Шерзод Эсанов, 37-пенальти (1:0), Нурмуҳаммад Абдуғаниев, 45+3 (1:1), Шерзод Эсанов, 46 (2:1), Темур Мамасиддиқов, 73 (3:1), Владимир Родич, 90+2 (4:1).