“Барселона”нинг собиқ сардори Карлес Пуйоль Жозе Моуриньонинг “Реал”га қайтиши мадридликлар учун фойдали бўлиши мумкин, деб ҳисоблайди.

“Моуринью билан улар янада кучлироқ бўлиши мумкин”, — дея Пуйольнинг сўзларини келтиради Madrid Universal.

Пуйоль Моуриньо ва Пеп Гвардиола давридаги “Барселона” — “Реал” рақобатини ҳам эслади.

“Биз буюк мураббий ҳақида гапиряпмиз. Мен уни "Барселона"да, ҳали академияда ўйнаб, асосий жамоага яқинлашаётган пайтимда таниганман. Ўшандаёқ унинг футбол ҳақида жуда кўп нарса билиши кўриниб турарди.

Кейин у ажойиб мураббийлик фаолиятини қурди ва "Реал"ни бошқарди. Ўша йилларда биз ҳам имкониятларимизнинг энг юқори нуқтасида эдик. Бу жуда катта рақобат эди”, — деди Пуйоль.

Шу билан бирга, “Барселона” афсонаси собиқ жамоасига ишонч билдирди. Унинг фикрича, каталонияликлар кучли таркибга эга ва янги мавсумни муваффақиятли ўтказишга қодир.