“Barselona”ning sobiq sardori Karles Puyol Joze Mourinyoning “Real”ga qaytishi madridliklar uchun foydali bo‘lishi mumkin, deb hisoblaydi.

“Mourinyu bilan ular yanada kuchliroq bo‘lishi mumkin”, — deya Puyolning so‘zlarini keltiradi Madrid Universal.

Puyol Mourinyo va Pep Gvardiola davridagi “Barselona” — “Real” raqobatini ham esladi.

“Biz buyuk murabbiy haqida gapiryapmiz. Men uni "Barselona"da, hali akademiyada o‘ynab, asosiy jamoaga yaqinlashayotgan paytimda taniganman. O‘shandayoq uning futbol haqida juda ko‘p narsa bilishi ko‘rinib turardi.

Keyin u ajoyib murabbiylik faoliyatini qurdi va "Real"ni boshqardi. O‘sha yillarda biz ham imkoniyatlarimizning eng yuqori nuqtasida edik. Bu juda katta raqobat edi”, — dedi Puyol.

Shu bilan birga, “Barselona” afsonasi sobiq jamoasiga ishonch bildirdi. Uning fikricha, kataloniyaliklar kuchli tarkibga ega va yangi mavsumni muvaffaqiyatli o‘tkazishga qodir.