Madridning "Real" klubi hujumchisi Kilian Mbappe "Pari Sen-Jermen"ning o‘ng qanot himoyachisi Ashraf Hakimiyni tabrikladi. Marokashlik futbolchi Afrikada 2025 yilning eng yaxshi futbolchisi deb topildi.
"Seni yaxshi ko‘raman, uka. Afrika qiroli. Barakalla, do‘stim. Sen bu mukofotga to‘liq loyiqsan", - deb yozdi Mbappe ijtimoiy tarmoqda Hakimiyga murojaat qilib.
Eslatib o‘tamiz, 2024 yilgacha Kilian va Ashraf "PSJ"da birga to‘p surishgan, shundan so‘ng fransuz "Real"ga o‘tgandi. Hakimiy Parij grandi safida 2024/25 yilgi mavsumda Chempionlar ligasi g‘olibiga aylandi.













