"Atletik" hujumkor yarim himoyachisi Niko Uilyams La Liga 13-turidan o‘rin olgan o‘yinda (0:4) "Barselona" muxlislari tomonidan ruhiy bosimga uchradi.
O‘yindan oldin Diario Sport Nikoning "Kamp Nou"da o‘ynashdan qo‘rqayotganini ta’kidladi, chunki u kataloniyalik muxlislar uning o‘tgan yozda klubga transferini rad etganini kechirishmasligini biladi.
Shanba kuni "Barsa" muxlislari Uilyamsga o‘yindan oldingi chigalyozdi vaqtida hushtakbozlik qila boshlashdi. Diktor boshlang‘ich tarkiblarni o‘qiyotganda, Nikoning familiyasi e’lon qilingach, qattiq shovqin-suron ko‘tarildi.
O‘yin davomida Ispaniya terma jamoasining 23 yoshli vingerini har safar to‘pga tekkanida birinchi daqiqadanoq hushtakbozlik qilishdi. 55-daqiqada futbolchi maydonni tark etayotganda ham unga qattiq hushtak chalindi.
Shuningdek, o‘yin davomida o‘yinchiga kinoyali qichqiriqlar yangradi: "Niko, qol, Niko, qol."
