26 yoshli fransiyalik himoyachining "Liverpul" bilan shartnomasi 2026 yilning yozida yakuniga etadi. Hozirda klub va futbolchi shartnomani uzaytirish shartlarini muhokama qilmoqda. Futbol insayderi Fabrisio Romanoning so‘zlariga ko‘ra, mersisaydliklar allaqachon aniq taklif bilan chiqqan.
"Stolda shartnomani uzaytirish taklifi turibdi. Muzokaralar davom etmoqda. Endi Konate klubda qolishni xohlaydimi yoki faoliyatida yangi davrni boshlamoqchimi, balki Angliyadan ketib, yangi narsalarni sinab ko‘rmoqchimi, shuni hal qilishi kerak. "Real"dan qiziqish borligini bilamiz, albatta. Konatkga hamon "Real" qiziqish bildirmoqda, ammo "Liverpul" o‘z taklifini bildirdi. Shunday ekan, endi futbolchi nima qilishni xohlashini o‘zi hal qilishi kerak", - dedi Romano.
Konate 2021 yildan beri "Liverpul"da o‘ynamoqda. Bu mavsumda himoyachi barcha musobaqalarda 17ta o‘yinda maydonga tushib, bitta gol urgan.
