Angliyaning "Tottenxem" klubi darvozaboni Vikario "Fulxem"ga qarshi uy uchrashuvida mag‘lubiyatga uchraganidan so‘ng o‘z muxlislarining jamoaga nisbatan hushtakbozligiga izoh berdi.
"Bu futbolning bir qismi. Men katta odamman va bunga unchalik e’tibor bermayman. Biz o‘zimizga va o‘z o‘yinimizga e’tiborimizni qaratishimiz kerak va kimdir tribunadan hushtak chalishi bizni chalg‘itmasligi kerak. Ular (muxlislar) xohlagan ishini qilish huquqiga ega, bizning vazifamiz esa - ishlash", - dedi italiyalik.
Hozirda "shporlar" APL turnir jadvalida 18 ochko bilan 11-o‘rinni egallab turibdi.
