Англиянинг "Тоттенхэм" клуби дарвозабони Викарио "Фулхэм"га қарши уй учрашувида мағлубиятга учраганидан сўнг ўз мухлисларининг жамоага нисбатан ҳуштакбозлигига изоҳ берди.
"Бу футболнинг бир қисми. Мен катта одамман ва бунга унчалик эътибор бермайман. Биз ўзимизга ва ўз ўйинимизга эътиборимизни қаратишимиз керак ва кимдир трибунадан ҳуштак чалиши бизни чалғитмаслиги керак. Улар (мухлислар) хоҳлаган ишини қилиш ҳуқуқига эга, бизнинг вазифамиз эса - ишлаш", - деди италиялик.
Ҳозирда "шпорлар" АПЛ турнир жадвалида 18 очко билан 11-ўринни эгаллаб турибди.
