"Manchester Siti" ustozi Xosep Gvardiola "Fulxem" (5:4) ustidan qozonilgan g‘alabadan so‘ng APL chempionlik poygasidagi vaziyat haqida gapirdi.

"Mavsum juda uzoq. Uzoq chempionlik poygalarida qatnashish bo‘yicha boy tajribaga egaman. Har narsa bo‘lishi mumkin. Biz 6 marta Premyer-ligada g‘olib bo‘ldik. To‘rt-besh holatda dekabr-yanvar oylarigacha to‘rt-besh ochko ortda qolib ketgandik - va baribir chempion bo‘ldik.

Birlikni saqlash, takomillashtirish kerak. APLda qaysi jamoa tezroq oldinga siljisa, o‘sha jamoa yutadi. Biz aynan shunga intilamiz. Shuningdek, jarohat olmaslik ham muhim," - deya Gvardiolaning so‘zlarini keltiradi City Report.