"Milan"ga yaqin bo‘lgan italiyalik nufuzli jurnalist Karlo Pellegatining xabar berishicha, "rossonerilar" Angliya Premyer-ligasi klublari qiziayotgan Mayk Menyanni qo‘yib yuborishni istamayapti.

"Massimiliano Allegri hozir ham, ertaga ham faqat Menyanni xohlaydi. Buning ustida ish olib borilmoqda. Imkoniyat bor deb o‘ylayman. Allegri Maykni qolishga undaydi. Maks faqat uni xohlaydi," - deya Pellegatining so‘zlarini keltiradi pianetamilan.it.

Eslatib o‘tamiz, Mayk Menyan "Milan" safida 2021 yildan buyon to‘p tepib kelmoqda va klubdagi ilk mavsumidayoq u bilan Skudettoni qo‘lga kiritgandi. Allegri esa yozda hozirgi klubini qabul qilib olgandi.