Fransiyalik taniqli sobiq futbolchi Emmanuel Peti hozirgi "Barselona"ning kuchi haqida fikr bildirdi.
1998 yilgi jahon chempionining fikricha, "ko‘k-anorranglilar" 18 yoshli vinger Lamin Yamalga haddan tashqari ishonib yuborishgan.
"Barselona"da barcha pullar Yamalga tikilgan - klub to‘liq unga tayanadi. Jamoada sifatli futbolchilar bor, ammo Lionel Messi kabi jahon yulduzlari yo‘q. Yamal yakka holda Chempionlar Ligasida g‘alaba qozona olmaydi. Hurmat bilan aytganda, hatto Messi ham Xavi, Inyesta, Puyolning yordamisiz buni qilmagan bo‘lardi," - deya Petining bayonotidan iqtibos keltiradi The Touchline.
Xans-Diter Flik jamoasi Chempionlar ligasi umumiy turnir jadvalida 5-turdan so‘ng 18-o‘rinni egallab turibdi.
