Франциялик таниқли собиқ футболчи Эммануэль Пети ҳозирги "Барселона"нинг кучи ҳақида фикр билдирди.
1998 йилги жаҳон чемпионининг фикрича, "кўк-анорранглилар" 18 ёшли вингер Ламин Ямалга ҳаддан ташқари ишониб юборишган.
"Барселона"да барча пуллар Ямалга тикилган - клуб тўлиқ унга таянади. Жамоада сифатли футболчилар бор, аммо Лионель Месси каби жаҳон юлдузлари йўқ. Ямал якка ҳолда Чемпионлар Лигасида ғалаба қозона олмайди. Ҳурмат билан айтганда, ҳатто Месси ҳам Хави, Иньеста, Пуйолнинг ёрдамисиз буни қилмаган бўларди," - дея Петининг баёнотидан иқтибос келтиради The Touchline.
Ханс-Дитер Флик жамоаси Чемпионлар лигаси умумий турнир жадвалида 5-турдан сўнг 18-ўринни эгаллаб турибди.
