Ярим ҳимоячи Родрининг келажаги муҳокамалар марказида қолмоқда. Журналист Серхио Валентин ижтимоий тармоқларда хабар беришича, «Манчестер Сити» Родри бўйича бошқа клублардан таклиф олишга ҳаракат қилган, аммо бунинг уддасидан чиқа олмаган. Футболчи бошқа вариантларни рад этмоқда ва фақат «Реал»га ўтишни истамоқда. Ушбу хоҳиши «қаймоқранглилар»га битимни энг манфаатли нархда амалга оширишга ёрдам бериши мумкин.

Родрининг «Реал»га трансфери 65 миллиондан 75 миллион еврогача бўлган суммага ҳал бўлиши эҳтимоли бор.

Родри «Манчестер Сити» сафида турли мусобақаларда 298 та ўйин ўтказиб, уларда 28 та гол урган ва жамоадошларига 32 та голли узатма оширган.