Yarim himoyachi Rodrining kelajagi muhokamalar markazida qolmoqda. Jurnalist Serxio Valentin ijtimoiy tarmoqlarda xabar berishicha, «Manchester Siti» Rodri bo‘yicha boshqa klublardan taklif olishga harakat qilgan, ammo buning uddasidan chiqa olmagan. Futbolchi boshqa variantlarni rad etmoqda va faqat «Real»ga o‘tishni istamoqda. Ushbu xohishi «qaymoqranglilar»ga bitimni eng manfaatli narxda amalga oshirishga yordam berishi mumkin.

Rodrining «Real»ga transferi 65 milliondan 75 million yevrogacha bo‘lgan summaga hal bo‘lishi ehtimoli bor.

Rodri «Manchester Siti» safida turli musobaqalarda 298 ta o‘yin o‘tkazib, ularda 28 ta gol urgan va jamoadoshlariga 32 ta golli uzatma oshirgan.