Saudiya Arabistoni terma jamoasi bosh murabbiyi Erve Renar Argentinaning bo‘lajak jahon chempionatidagi istiqbollari haqida fikr bildirdi.
"Albiseleste" o‘tgan mundial g‘olibiga aylangan edi.
"Argentinada yana jahon chempionligini qo‘lga kiritish uchun juda yaxshi imkoniyat bor. 2022 yilda aytgan gaplarimni takrorlamayman, chunki turnir boshlanishiga hali ko‘p vaqt bor, lekin o‘shanda ular chindan ham muvaffaqiyatga erishishi mumkinligini his qilganman. Ba’zida muvaffaqiyatsiz start foyda keltiradi, jamoaning uyg‘onishiga yordam beradi - Qatarda argentinaliklar bilan aynan shunday bo‘ldi," - dedi Renar.
Lionel Skaloni jamoasi JCH-2026da Avstriya, Jazoir va Iordaniya bilan bir guruhdan joy oladi. Saudiya Arabistoni Ispaniya, Urugvay va Kabo-Verde terma jamoalari bilan bir kvartetga tushdi.













