Саудия Арабистони терма жамоаси бош мураббийи Эрве Ренар Аргентинанинг бўлажак жаҳон чемпионатидаги истиқболлари ҳақида фикр билдирди.
"Альбиселесте" ўтган мундиал ғолибига айланган эди.
"Аргентинада яна жаҳон чемпионлигини қўлга киритиш учун жуда яхши имконият бор. 2022 йилда айтган гапларимни такрорламайман, чунки турнир бошланишига ҳали кўп вақт бор, лекин ўшанда улар чиндан ҳам муваффақиятга эришиши мумкинлигини ҳис қилганман. Баъзида муваффақиятсиз старт фойда келтиради, жамоанинг уйғонишига ёрдам беради - Қатарда аргентиналиклар билан айнан шундай бўлди," - деди Ренар.
Лионель Скалони жамоаси ЖЧ-2026да Австрия, Жазоир ва Иордания билан бир гуруҳдан жой олади. Саудия Арабистони Испания, Уругвай ва Кабо-Верде терма жамоалари билан бир квартетга тушди.
