Angliya Premyer-ligasining 2025/2026 yilgi mavsumi 15-turi doirasidagi «Lids Yunayted» va «Liverpul» o‘rtasidagi uchrashuv yakunlandi. «Elland Roud» stadionida o‘tgan bahsda jangovar durang qayd etildi.

Ugo Ekitike 48-daqiqada mehmonlarni oldinga olib chiqdi, 50-daqiqada esa u dublni rasmiylashtirdi.

Dominik Kalvert-Lyuin 73-daqiqada penaltini aniq amalga oshirib, hisobdagi farqni bittaga qisqartirdi, 75-daqiqada esa Anton Stax muvozanatni tikladi.

80-daqiqada Dominik Soboslai mersisaydliklarning uchinchi golini urdi. Ao Tanaka esa 90+6-daqiqada tablodagi tenglikni qaytardi.

Ushbu o‘yindan so‘ng «Lids Yunayted» 15 ochko bilan Angliya chempionati yuqori divizioni turnir jadvalida 16-o‘rinni egallab turibdi. «Liverpul» esa 23 ochko bilan sakkizinchi pog‘onada joylashgan.

Keyingi turda «Lids» 14 dekabr kuni safarda «Brentford» bilan o‘ynaydi. «Qizillar» esa 13 dekabr kuni o‘z maydonlarida «Brayton end Houv Albion»ni qabul qiladi.

Angliya — Premyer-liga. 15-tur
2025 yil 6 dekabr, shanba.
"Lids Yunayted" - "Liverpul" - 3:3
Gollar: 0:1 Ekitike – 48'; 0:2 Ekitike – 50'; 1:2 Kalvert-Lyuin – 73' (pen.); 2:2 Stax – 75'; 2:3 Soboslai – 80'; 3:3 Tanaka – 90+6'