Англия Премьер-лигасининг 2025/2026 йилги мавсуми 15-тури доирасидаги «Лидс Юнайтед» ва «Ливерпуль» ўртасидаги учрашув якунланди. «Элланд Роуд» стадионида ўтган баҳсда жанговар дуранг қайд этилди.

Уго Экитике 48-дақиқада меҳмонларни олдинга олиб чиқди, 50-дақиқада эса у дублни расмийлаштирди.

Доминик Калверт-Льюин 73-дақиқада пенальтини аниқ амалга ошириб, ҳисобдаги фарқни биттага қисқартирди, 75-дақиқада эса Антон Стах мувозанатни тиклади.

80-дақиқада Доминик Собослаи мерсисайдликларнинг учинчи голини урди. Ао Танака эса 90+6-дақиқада таблодаги тенгликни қайтарди.

Ушбу ўйиндан сўнг «Лидс Юнайтед» 15 очко билан Англия чемпионати юқори дивизиони турнир жадвалида 16-ўринни эгаллаб турибди. «Ливерпуль» эса 23 очко билан саккизинчи поғонада жойлашган.

Кейинги турда «Лидс» 14 декабрь куни сафарда «Брентфорд» билан ўйнайди. «Қизиллар» эса 13 декабрь куни ўз майдонларида «Брайтон энд Ҳоув Альбион»ни қабул қилади.

Англия — Премьер-лига. 15-тур
2025 йил 6 декабрь, шанба.
"Лидс Юнайтед" - "Ливерпуль" - 3:3
Голлар: 0:1 Экитике – 48'; 0:2 Экитике – 50'; 1:2 Калверт-Льюин – 73' (пен.); 2:2 Стах – 75'; 2:3 Собослаи – 80'; 3:3 Танака – 90+6'