«Манчестер Юнайтед» ҳамон «Ньюкасл»нинг чап қанот ҳимоячиси Льюис Холлни ушбу позицияни кучайтириш учун асосий трансфер мақсади сифатида кўрмоқда.

Бироқ «қизил иблислар» «Ньюкасл»ни 21 ёшли футболчини сотишга кўндириш учун Холлни футбол тарихидаги энг қиммат чап қанот ҳимоячисига айлантиришига тўғри келади. Бу ҳақда TEAMtalk хабар берди.

Манба маълумотига кўра, манкунианликлар Холлга муқобил сифатида беш нафар футболчини кўриб чиқмоқда. Улар — «Расинг» Сантандердан Хорхе Салинас, «Барселона»дан Алекс Бальде, «РБ Лейпциг»дан Давид Раум, «Фулхэм»дан Энтони Робинсон ва «Борнмут»дан Адриен Трюффер.

Таъкидланишича, «Манчестер Юнайтед» Льюис Холлни сотмаслик борасидаги «Ньюкасл»нинг қатъиятини синаб кўришга тайёр.

Шу билан бирга, «қизил иблислар» 21 ёшли ҳимоячи учун тахминан 70 миллион фунт (82 миллион евро) таклиф қилиши эҳтимоли паст баҳоланмоқда.