«Барселона»нинг 19 ёшли вингери Ламин Ямал ўз ютуқлари ҳақида фикр билдирди.

«Футболда буюк футболчилар бўлган — Лео [Месси], Криштиану [Роналду] ёки ўйинини кўриш насиб қилмаган Диего [Марадона].

Аммо ҳеч ким менинг ёшимда бунча кўп соврин ютмаган. Пеленинг мисоли бор, лекин сўнгги вақтларда бундай ҳолат кузатилмади.

Айримлар мен ниманидир қўлга киритганимдан кейин энди хотиржам бўлишим мумкин, деб ўйлашади. Аммо футбол тарихидан муносиб жой олиш учун ҳали яна минглаб ишлар қилишим кераклигини биламан», — деди Ямал.

Ламин — «Барселона» тарбияланувчиси. У катталар футболида 157 та ўйин ўтказиб, 56 та гол урган ва 54 та голли узатмани амалга оширган.

Испания терма жамоаси сафида эса 33 та учрашувда 7 та гол ва 13 та голли узатма қайд этган.

Ямал — жаҳон ва Европа чемпиони, шунингдек, клублар даражасида 6 та соврин соҳиби.