7 dekabr kuni Las-Vegasdagi “T-Mobile Arena” majmuasida yilning so‘nggi raqamli turniri — UFC 323 bo‘lib o‘tdi. Kechaning asosiy jangida Pyotr Yan Merab Dvalishvilini mag‘lub etib, eng yengil vazn (61 kg) kamarini besh yillik tanaffusdan so‘ng yana qaytarib oldi. O‘zbekistonlik Bogdan Guskov esa Yan Blaxovichga qarshi bahsni durang bilan yakunladi.
Sporty Salaries ma’lumotiga ko‘ra, Bogdan Guskov ushbu jang uchun 54 ming dollar (48 ming — jangga chiqish puli, 6 ming — homiylik to‘lovi) ishlab topgan. Uning raqibi Yan Blaxovichning daromadi 321 ming dollarni tashkil etdi (300 ming — jangga chiqish, 21 ming — homiylar).
Turnirdagi eng katta gonorarni Merab Dvalishvili oldi — 2,342 mln dollar (750 ming — jangga chiqish, 1,5 mln — translyasiya ulushi, 50 ming — “eng yaxshi jang”, 42 ming — homiylar). Pyotr Yannning umumiy daromadi esa 1,432 mln dollar bo‘ldi.
UFC 323 doirasida yuqori daromad olgan jangchilar qatorida Joshua Van (1,28 mln), Aleksandr Pantoja (942 ming), shuningdek, Genri Sehudo va Edson Barboza (har biri 421 ming) ham bor. Yan Blaxovich — 321 ming, Brendon Moreno — 265 ming, Meysi Barber — 220 ming, Jalin Terner esa 211 ming dollar ishlab topgan.
UFC 323 turniridagi eng katta gonorar olgan sportchilar:
Merab Dvalishvili — 2 342 000 dollar
Pyotr Yan — 1 432 000 dollar
Joshua Van — 1 282 000 dollar
Aleksandr Pantoja — 942 000 dollar
Genri Sehudo — 421 000 dollar
Edson Barboza — 421 000 dollar
Yan Blaxovich — 321 000 dollar
Brendon Moreno — 265 000 dollar
Meysi Barber — 220 000 dollar
Jalin Terner — 211 000 dollar.
