Himoyachi Serxio Ramos "Monterrey"ni tark etdi va endi o‘ziga yangi jamoa izlamoqda. So‘nggi haftalarda matbuotda Ramosning Yevropaga qaytmoqchi ekani va hatto Ispaniya terma jamoasi safida jahon chempionatiga borishga umid qilayotgani haqida faol yozishdi.
Transfer News Live nashrining Cadena SER radiosiga tayanib xabar berishicha, Ramos faoliyatini Angliyada davom ettirishi mumkin. Manbaga ko‘ra, Ramosga "Manchester Yunayted"dan taklif bo‘lgan. "Qizil iblislar" 39 yoshli himoyachini yanvarda tarkibga qo‘shilishini istamoqda.
Serxio Ramos asosan "Real"dagi o‘yinlari bilan tanilgan. Shuningdek, himoyachi Yevropada "Sevilya" va "PSJ" klublarida ham o‘ynagan.













