"Atalanta" Chempionlar ligasining seshanba kuni bo‘lib o‘tgan o‘yinida "Chelsi"dan ustun keldi (2:1).
Uchrashuvning 25-daqiqasida Joao Pedro mehmonlarni oldinga olib chiqdi. Bergamoliklar 55 va 83-daqiqada Janluka Skamakka va Sharl de Ketelarening aniq zarbalari bilan javob qaytardi.
Opta xabariga ko‘ra, "Chelsi" 12 yil ichida birinchi marta tanaffusga g‘olib sifatida chiqib ketgan Chempionlar ligasi o‘yinida mag‘lub bo‘ldi. Avvalgi shunga o‘xshash holat 2013 yil sentyabrida sodir bo‘lgan - o‘shanda Shveysariyaning "Bazel" klubi irodali g‘alabani qo‘lga kiritgan edi. "Ko‘klar"ning mag‘lubiyatsiz seriyasi bunday ssenariyda 41 ta o‘yin davom etdi - ulardan 37 tasida g‘alaba qozonildi.
Enso Mareska jamoasi keyingi turda Kiprning "Pafos" klubiga qarshi maydonga tushadi.
