"Аталанта" Чемпионлар лигасининг сешанба куни бўлиб ўтган ўйинида "Челси"дан устун келди (2:1).
Учрашувнинг 25-дақиқасида Жоао Педро меҳмонларни олдинга олиб чиқди. Бергамоликлар 55 ва 83-дақиқада Жанлука Скамакка ва Шарль де Кетеларенинг аниқ зарбалари билан жавоб қайтарди.
Opta хабарига кўра, "Челси" 12 йил ичида биринчи марта танаффусга ғолиб сифатида чиқиб кетган Чемпионлар лигаси ўйинида мағлуб бўлди. Аввалги шунга ўхшаш ҳолат 2013 йил сентябрида содир бўлган - ўшанда Швейцариянинг "Базель" клуби иродали ғалабани қўлга киритган эди. "Кўклар"нинг мағлубиятсиз серияси бундай сценарийда 41 та ўйин давом этди - улардан 37 тасида ғалаба қозонилди.
Энцо Мареска жамоаси кейинги турда Кипрнинг "Пафос" клубига қарши майдонга тушади.
