"Manchester Siti" forvardi Erling Xoland Chempionlar ligasida 50-bor asosiy tarkibda maydonga tushdi va 51-golni urdi. U ECHL umumiy bosqichining 6-turida "Real" bilan o‘yinda penaltini aniq amalga oshirdi.
Opta xabariga ko‘ra, Xoland ECHLda asosiy tarkibda maydonga tushgan 50 o‘yinda bir futbolchi tomonidan urilgan gollar soni bo‘yicha rekord o‘rnatgan.
Hujumchi joriy mavsum "Siti" safida 21 ta o‘yinda maydonga tushdi va 21 ta gol urdi.













