"Manchester Yunayted"ning mashhur sobiq himoyachisi Rio Ferdinand Ruben Amorimning faoliyati haqida gapirdi. Portugaliyalik mutaxassis bu lavozimda o‘tgan yilning noyabridan buyon ishlab kelmoqda, ammo jamoa hamon barqarorlikka erisha olmayapti.

"Menimcha, biz muxlislar juda sabrsizmiz. Natijalarni shu yerda va hozir ko‘rishni istaymiz, lekin bu shunchaki bo‘layotgani yo‘q. Mikel Arteta "Arsenal"da necha yildan beri ishlaydi? Besh, olti? Ular hali ham Premyer-ligada g‘alaba qozona olishmadi, ammo sezilarli yutuqlarga erishishdi - bu nimanidir qurish uchun vaqt kerakligini isbotlaydi. Shuning uchun biz Amorimga vaqt berishimiz kerak, deb hisoblayman", - deya Ferdinandning so‘zlarini keltiradi UtdDistrict.

"Qizil iblislar" 16 turdan so‘ng 26 ochko bilan APL turnir jadvalida oltinchi o‘rinda bormoqda.