"Манчестер Юнайтед"нинг машҳур собиқ ҳимоячиси Рио Фердинанд Рубен Аморимнинг фаолияти ҳақида гапирди. Португалиялик мутахассис бу лавозимда ўтган йилнинг ноябридан буён ишлаб келмоқда, аммо жамоа ҳамон барқарорликка эриша олмаяпти.
"Менимча, биз мухлислар жуда сабрсизмиз. Натижаларни шу ерда ва ҳозир кўришни истаймиз, лекин бу шунчаки бўлаётгани йўқ. Микель Артета "Арсенал"да неча йилдан бери ишлайди? Беш, олти? Улар ҳали ҳам Премьер-лигада ғалаба қозона олишмади, аммо сезиларли ютуқларга эришишди - бу ниманидир қуриш учун вақт кераклигини исботлайди. Шунинг учун биз Аморимга вақт беришимиз керак, деб ҳисоблайман", - дея Фердинанднинг сўзларини келтиради UtdDistrict.
"Қизил иблислар" 16 турдан сўнг 26 очко билан АПЛ турнир жадвалида олтинчи ўринда бормоқда.
