Saudiya Arabistoni terma jamoasini 2034 yilgi jahon chempionatiga tayyorlash uchun Didye Deshamni olib kelishni rejalashtirmoqda, deb yozadi Sky Sport.
Saudiyalik amaldorlar fransiyalik mutaxassis nafaqat bosh murabbiy vazifasini bajarishini, balki jamoaning butun tayyorgarlik jarayonini nazorat qilib, uzoq muddatli rivojlanish strategiyasini yillar davomida shakllantirib borishini rejalashtirmoqda. Deshamning maqsadi musobaqa medallari uchun kurasha oladigan raqobatbardosh jamoani yaratish bo‘ladi.
Rasmiylar Deshamga jamoani boshqarish bo‘yicha to‘liq vakolatga ega sakkiz yillik shartnoma taklif qilishga tayyor.
Avvalroq, 57 yoshli mutaxassis 2026 yilgi jahon chempionatidan keyin Fransiya terma jamoasi bosh murabbiyligidan ketishi ma’lum bo‘lgandi. U terma jamoada 2012 yildan beri ishlaydi, uning qo‘l ostida fransuzlar Rossiyada bo‘lib o‘tgan JCH-2018da g‘olib chiqdi.
