Dortmundning "Borussiya" klubi bosh murabbiyi Niko Kovach Bundesliga doirasida "Borussiya" Menxengladbax ustidan qozonilgan g‘alabani (2:0) baholadi.

"Biz g‘alaba qozondik va yana nolga o‘ynadik. O‘ylaymanki, biz haqli g‘alabani qo‘lga kiritdik. Biz yaxshi boshladik, ammo dastlabki 30 daqiqadan so‘ng ba’zi muammolar paydo bo‘ldi.

Ikkinchi bo‘limda o‘yin basketboldagidek bo‘ldi - darvozadan-darvozagacha. Jamoa yaxshi o‘yin ko‘rsatmoqda va biz maydon holatidan mamnunmiz", - dedi Kovach.

Dortmundliklar 15 o‘yindan keyin bir o‘yin kam o‘tkazayotgan "Bavariya"dan 6 ochko ortda qolib, 2-o‘rinda bormoqda.