"Nyukasl" bosh murabbiyi Eddi Xau APL o‘n yettinchi turidan o‘rin olgan "Chelsi"ga qarshi o‘yinga bag‘ishlangan matbuot anjumanida ishtirok etdi.
Xauning tasdiqlashicha, Tino Livramento tizzasidan olgan jarohati tufayli sobiq klubiga qarshi maydonga tusha olmaydi, Lyuis Xoll esa maydonga qaytishga yaqin turibdi.
"Sanderlend" bilan o‘yindan so‘ng Lyuis tizza osti paylarida biroz charchoqni his qildi, uni tekshiruvdan o‘tkazishdi, ammo jiddiy hech narsa aniqlanmadi", - dedi mutaxassis.
"Chelsi" 28 ochko bilan turnir jadvalida to‘rtinchi, "Nyukasl" 22 ochko bilan o‘n ikkinchi o‘rinda bormoqda.
