"Barselona" darvozaboni Mark-Andre ter Shtegenning kelajagi mavhumligicha qolmoqda. "Ko‘k-anorranglilar" sardori 2026 yilgi jahon chempionatiga Germaniya terma jamoasining "birinchi raqamli" darvozaboni maqomida borish uchun muntazam ravishda o‘yin amaliyotiga ega bo‘lishni istaydi, biroq Xans-Diter Flik hamyurtini asosiy tarkibga qaytarishni rejalashtirmayapti.
Jurnalist Fernando Poloning yozishicha, Kataloniyaning "Jirona" klubi "Barselona"ga ter Shtegen bo‘yicha so‘rov yuborgan. Shuningdek, Angliyaning "Aston Villa" klubi ham qiziqish bildirgan.
Yaqinda 33 yoshli darvozabon bel jarohatini davoladi. Kubok doirasida "Deportivo Gvadalaxara"ga qarshi kechgan bahsda (2:0) germaniyalik futbolchi joriy mavsumda ilk bor maydonga tushdi.













