"Bornmut" yulduzi Antuan Semenyo uchun kurashda favoritlar ma’lum. Vingerga uzoq vaqtdan beri Angliya Premyer-ligasining deyarli barcha grandlari qiziqmoqda, ammo ayni damda u uchun bahsda "Manchester Siti" va "Manchester Yunayted" yetakchilik qilmoqda, deb yozadi jurnalist Ben Jeykobs. Katta ehtimol bilan transfer yanvar oyidayoq amalga oshadi.
Antuan Semenyoning "Bornmut" bilan shartnomasida 65 mln funt sterling (deyarli 75 mln yevro) miqdorida tovon puli ko‘rsatilgan bo‘lib, u 10 yanvarga qadar amal qilishi haqida avval xabar berilgandi. 25 yoshli ganalik futbolchi klubini o‘zgartirishga tayyor, ammo aynan qayerga o‘tishni ma’qul ko‘rishi hozircha noma’lum.
