"Борнмут" юлдузи Антуан Семеньо учун курашда фаворитлар маълум. Вингерга узоқ вақтдан бери Англия Премьер-лигасининг деярли барча грандлари қизиқмоқда, аммо айни дамда у учун баҳсда "Манчестер Сити" ва "Манчестер Юнайтед" етакчилик қилмоқда, деб ёзади журналист Бен Жейкобс. Катта эҳтимол билан трансфер январь ойидаёқ амалга ошади.
Антуан Семеньонинг "Борнмут" билан шартномасида 65 млн фунт стерлинг (деярли 75 млн евро) миқдорида товон пули кўрсатилган бўлиб, у 10 январга қадар амал қилиши ҳақида аввал хабар берилганди. 25 ёшли ганалик футболчи клубини ўзгартиришга тайёр, аммо айнан қаерга ўтишни маъқул кўриши ҳозирча номаълум.
