Vinisius Junior so‘nggi paytlarda o‘z o‘yinidan qoniqmayotganini tan olmoqda. Shu bilan birga, braziliyalik futbolchi jamoa muvaffaqiyatsizlikka uchraganda, aynan uni ko‘proq tanqid qilishayotganini his etmoqda. Bu haqda The Athletic nashrining sahifalarida batafsil yoritilgan.
Ma’lumki, Vinisius Junior ancha vaqtdan beri gol ura olgani yo‘q. Braziliyalik futbolchi so‘nggi marta "Real" tarkibida 4 oktyabr kuni gol urgan edi.
"Real" Ispaniya chempionati turnir jadvalida ikkinchi o‘rinni egallab turibdi. Xabi Alonso jamoasi peshqadam "Barselona"dan 4 ochko orqada qolmoqda. "Qaymoqranglilar" navbatdagi o‘yinni 4 yanvar kuni o‘z maydonida "Betis"ga qarshi o‘tkazadi.
