Винисиус Жуниор сўнгги пайтларда ўз ўйинидан қониқмаётганини тан олмоқда. Шу билан бирга, бразилиялик футболчи жамоа муваффақиятсизликка учраганда, айнан уни кўпроқ танқид қилишаётганини ҳис этмоқда. Бу ҳақда The Athletic нашрининг саҳифаларида батафсил ёритилган.
Маълумки, Винисиус Жуниор анча вақтдан бери гол ура олгани йўқ. Бразилиялик футболчи сўнгги марта "Реал" таркибида 4 октябрь куни гол урган эди.
"Реал" Испания чемпионати турнир жадвалида иккинчи ўринни эгаллаб турибди. Хаби Алонсо жамоаси пешқадам "Барселона"дан 4 очко орқада қолмоқда. "Қаймоқранглилар" навбатдаги ўйинни 4 январь куни ўз майдонида "Бетис"га қарши ўтказади.
