Madridning "Real" klubi vingeri Franko Mastantuono so‘nggi paytlarda maydonga deyarli tushmayapti.
18 yoshli futbolchi jarohat olguniga qadar "qaymoqranglilar" safida muntazam maydonga tushib kelayotgan edi. Noyabr oyi oxirida argentinalik futbolchi safga qaytdi, ammo shundan beri u atigi 68 daqiqa o‘ynadi (shundan 66 daqiqasi "Talavera"ga qarshi kubok o‘yinida). Shunga qaramay, jurnalist Fabrisio Romanoning ma’lum qilishicha, "Real" yanvarda Mastantuononi ijaraga yubormoqchi emas. Klub rahbarlari ham murabbiy Xabi Alonso kabi futbolchiga ishonadi va uning kelajagiga shubha qilmaydi.
Avvalroq, Franko Mastantuononing o‘zi ham qishki transfer oynasida ketishni rejalashtirmayotgani xabar qilingandi.
