Мадриднинг "Реал" клуби вингери Франко Мастантуоно сўнгги пайтларда майдонга деярли тушмаяпти.
18 ёшли футболчи жароҳат олгунига қадар "қаймоқранглилар" сафида мунтазам майдонга тушиб келаётган эди. Ноябрь ойи охирида аргентиналик футболчи сафга қайтди, аммо шундан бери у атиги 68 дақиқа ўйнади (шундан 66 дақиқаси "Талавера"га қарши кубок ўйинида). Шунга қарамай, журналист Фабрицио Романонинг маълум қилишича, "Реал" январда Мастантуонони ижарага юбормоқчи эмас. Клуб раҳбарлари ҳам мураббий Хаби Алонсо каби футболчига ишонади ва унинг келажагига шубҳа қилмайди.
Аввалроқ, Франко Мастантуононинг ўзи ҳам қишки трансфер ойнасида кетишни режалаштирмаётгани хабар қилинганди.
