"PSJ" rahbariyati fransiyalik hujumchi Bredli Barkolyani sotishni rejalashtirmayapti. Bu haqda jurnalist Ekrem Qo‘nur xabar bermoqda.
Avvalroq, Barkolya unga qiziqish bildirayotgan "Liverpul"ga shart qo‘ygani haqida xabarlar tarqalgan edi.
Manbaga ko‘ra, Barkolya haqiqatan ham "Liverpul"ning maqsadi, ammo parijliklar uni sotishni istamayapti. Chempionlar ligasining amaldagi g‘olibi futbolchi bilan shartnomani 2030 yilgacha uzaytirishni rejalashtirmoqda. Qayd etilishicha, Barkolyaga "Bavariya", shuningdek, nomi oshkor etilmagan bir nechta Premyer-liga klublari qiziqish bildirmoqda.
Bu mavsumda 23 yoshli vinger barcha musobaqalarda 21ta o‘yinda maydonga tushib, 5 marta raqiblar darvozasini ishg‘ol qildi va 3ta golli uzatmaga mualliflik qildi.













