"ПСЖ" раҳбарияти франциялик ҳужумчи Брэдли Барколяни сотишни режалаштирмаяпти. Бу ҳақда журналист Экрем Қўнур хабар бермоқда.

Аввалроқ, Барколя унга қизиқиш билдираётган "Ливерпул"га шарт қўйгани ҳақида хабарлар тарқалган эди.

Манбага кўра, Барколя ҳақиқатан ҳам "Ливерпул"нинг мақсади, аммо парижликлар уни сотишни истамаяпти. Чемпионлар лигасининг амалдаги ғолиби футболчи билан шартномани 2030 йилгача узайтиришни режалаштирмоқда. Қайд этилишича, Барколяга "Бавария", шунингдек, номи ошкор этилмаган бир нечта Премьер-лига клублари қизиқиш билдирмоқда.

Бу мавсумда 23 ёшли вингер барча мусобақаларда 21та ўйинда майдонга тушиб, 5 марта рақиблар дарвозасини ишғол қилди ва 3та голли узатмага муаллифлик қилди.