«Santos» jamoasining yulduzli hujumchisi Neymar o‘z klubi bilan yangi shartnoma shartlarini kelishib oldi. Bu haqda mashhur jurnalist va insayder Fabrisio Romano X ijtimoiy tarmog‘ida xabar berdi.
Manba ma’lumotiga ko‘ra, 33 yoshli vinger kamida 2026 yil dekabriga qadar klub sharafini himoya qiladi.
33 yoshli futbolchining braziliyalik klub bilan amaldagi mehnat shartnomasi 2025 yil 31 dekabrga qadar mo‘ljallangan edi. Joriy mavsumda Neymar Braziliya chempionati doirasida «Santos» safida 20 ta uchrashuv o‘tkazib, 8 ta gol urdi va 2 ta golli uzatmani amalga oshirdi. Transfermarkt portali ma’lumotlariga ko‘ra, hujumchining transfer qiymati 10 million yevroni tashkil etadi.













