Yangi mavsum oldidan «Neftchi» Turkiyaning Antaliya shahrida o‘tkaziladigan yig‘in doirasida qator kuchli va tajribali jamoalarga qarshi nazorat uchrashuvlarini o‘tkazadi. Yig‘in uchun raqiblar ehtiyotkorlik bilan tanlanib, jamoaning jismoniy va taktik tayyorgarligini yuqori darajada sinovdan o‘tkazish maqsad qilingan.

12.01 — «Qarabog‘» (Ozarbayjon)
Ozarbayjonning eng kuchli klublaridan biri, mamlakat futbolining yetakchi jamoasi. Yevrokuboklarda muntazam ishtirok etib kelayotgan tajribali raqib.

16.01 — «Aluminij» (Sloveniya)
Sloveniya chempionatida ishtirok etuvchi barqaror jamoa. Intizomli o‘yin uslubi va jismoniy tayyorgarligi bilan ajralib turadi.

19.01 — Raqib aniqlanadi
Ushbu sanadagi nazorat uchrashuvi uchun raqib jamoa tanlash jarayonida. Yaqin kunlarda rasman e’lon qilinadi.

28.01 — Raqib aniqlanadi
Ushbu sanadagi nazorat uchrashuvi uchun raqib jamoa tanlash jarayonida. Yaqin kunlarda rasman e’lon qilinadi.

31.01 — «Arkadag» (Turkmaniston)
Turkmanistonning amaldagi chempioni. So‘nggi mavsumlarda yuqori natijalar qayd etib kelayotgan kuchli va ambisiyali jamoa.

05.02 — «Shaxtyor» Donets (Ukraina)
Yevropada katta tajribaga ega, Ukraina futbolining grandi. Jamoamiz uchun eng jiddiy sinovlardan biri bo‘ladi.

07.02 — «Aleksandriya» (Ukraina)
Ukraina chempionati ishtirokchisi, o‘tgan mavsum Ukrainaning vise-chempioni.

10.02 — «Dinamo» Batumi (Gruziya)
Gruziyaning yetakchi klublaridan biri. Texnik va kombinasion futbol uslubiga ega jamoa.

Ta’kidlash joizki, «Neftchi»Antaliya yig‘ini doirasida imkon qadar kuchli va turli futbol maktablari vakillariga qarshi o‘ynashni maqsad qilgan. Bu esa yangi mavsum oldidan jamoaning umumiy tayyorgarlik darajasini yanada oshirishga xizmat qiladi.