Янги мавсум олдидан «Нефтчи» Туркиянинг Анталия шаҳрида ўтказиладиган йиғин доирасида қатор кучли ва тажрибали жамоаларга қарши назорат учрашувларини ўтказади. Йиғин учун рақиблар эҳтиёткорлик билан танланиб, жамоанинг жисмоний ва тактик тайёргарлигини юқори даражада синовдан ўтказиш мақсад қилинган.

12.01 — «Қарабоғ» (Озарбайжон)
Озарбайжоннинг энг кучли клубларидан бири, мамлакат футболининг етакчи жамоаси. Еврокубокларда мунтазам иштирок этиб келаётган тажрибали рақиб.

16.01 — «Алуминиж» (Словения)
Словения чемпионатида иштирок этувчи барқарор жамоа. Интизомли ўйин услуби ва жисмоний тайёргарлиги билан ажралиб туради.

19.01 — Рақиб аниқланади
Ушбу санадаги назорат учрашуви учун рақиб жамоа танлаш жараёнида. Яқин кунларда расман эълон қилинади.

28.01 — Рақиб аниқланади
Ушбу санадаги назорат учрашуви учун рақиб жамоа танлаш жараёнида. Яқин кунларда расман эълон қилинади.

31.01 — «Аркадаг» (Туркманистон)
Туркманистоннинг амалдаги чемпиони. Сўнгги мавсумларда юқори натижалар қайд этиб келаётган кучли ва амбицияли жамоа.

05.02 — «Шахтёр» Донетц (Украина)
Европада катта тажрибага эга, Украина футболининг гранди. Жамоамиз учун энг жиддий синовлардан бири бўлади.

07.02 — «Александрия» (Украина)
Украина чемпионати иштирокчиси, ўтган мавсум Украинанинг висе-чемпиони.

10.02 — «Динамо» Батуми (Грузия)
Грузиянинг етакчи клубларидан бири. Техник ва комбинацион футбол услубига эга жамоа.

Таъкидлаш жоизки, «Нефтчи»Анталия йиғини доирасида имкон қадар кучли ва турли футбол мактаблари вакилларига қарши ўйнашни мақсад қилган. Бу эса янги мавсум олдидан жамоанинг умумий тайёргарлик даражасини янада оширишга хизмат қилади.