Misr terma jamoasi hujumchisi Muhammad Saloh Afrika Millatlar Kubogi chorak finalidan o‘rin olgan Kot-d'Ivuar (3:2) ustidan qozonilgan g‘alaba haqida fikr bildirdi.
"Men juda baxtliman va bu yigitlar bilan o‘ynash imkoniyatidan faxrlanaman. Biz har doim misrlik muxlislarga quvonch ulashishni istaymiz va bunday kayfiyat bilan har qanday o‘yinda g‘alaba qozonishimizga ishonamiz. Bu qiyin o‘yin edi. O‘tgan safar ivuarliklar o‘z maydonlarida Afrika kubogini qo‘lga kiritgandi. Bugun ham ular chempionlardek o‘ynashdi. Ammo biz bor kuchimizni berdik va keyingi bosqichga chiqa olganimizdan xursandman.
Men har doim jamoam uchun o‘zimni bag‘ishlayman. Bizga buyuk maqsadlarga erishishda yordam berish uchun o‘z tajribamni olib kelishga harakat qilaman. Men har doim sheriklarimga maydonga tushing va darhol bor kuchingizni ishga soling, deyman. Bu juda muhim - keyinchalik afsuslanmaslik uchun", - deya 33 yoshli futbolchining so‘zlarini keltiradi turnir matbuot xizmati.
