Миср терма жамоаси ҳужумчиси Муҳаммад Салоҳ Африка Миллатлар Кубоги чорак финалидан ўрин олган Кот-д'Ивуар (3:2) устидан қозонилган ғалаба ҳақида фикр билдирди.

"Мен жуда бахтлиман ва бу йигитлар билан ўйнаш имкониятидан фахрланаман. Биз ҳар доим мисрлик мухлисларга қувонч улашишни истаймиз ва бундай кайфият билан ҳар қандай ўйинда ғалаба қозонишимизга ишонамиз. Бу қийин ўйин эди. Ўтган сафар ивуарликлар ўз майдонларида Африка кубогини қўлга киритганди. Бугун ҳам улар чемпионлардек ўйнашди. Аммо биз бор кучимизни бердик ва кейинги босқичга чиқа олганимиздан хурсандман.

Мен ҳар доим жамоам учун ўзимни бағишлайман. Бизга буюк мақсадларга эришишда ёрдам бериш учун ўз тажрибамни олиб келишга ҳаракат қиламан. Мен ҳар доим шерикларимга майдонга тушинг ва дарҳол бор кучингизни ишга солинг, дейман. Бу жуда муҳим - кейинчалик афсусланмаслик учун", - дея 33 ёшли футболчининг сўзларини келтиради турнир матбуот хизмати.