Xabi Alonso Ispaniya Superkubogi finalida "Barselona"dan uchralgan mag‘lubiyatdan so‘ng (2:3) "Real" bosh murabbiyi lavozimidan ozod etilmaydi. The Athletic xabariga ko‘ra, "qaymoqranglilar" yanvarda murabbiyni o‘zgartirish variantini jiddiy ko‘rib chiqmagan va Alonso ishni saqlab qolish uchun "Barselona"ga yirik hisobda yutqazmaslik kifoya qilgan.
Manbaga ko‘ra, "Real"ning ba’zi futbolchilari va jamoaga yaqin bo‘lganlarni klubning Alonsoga bunday yondashuvi ajablantirmoqda, chunki ularga bu murabbiy bilan o‘ynash yoqmayapti.
Qayd etilishicha, klubda finaldan keyin ikki xil qarash mavjud. Direktorlar kengashining muhim a’zolarini o‘z ichiga olgan birinchi guruh final tengma-teng bo‘ldi va ikkala jamoa ham g‘alaba qozonishi mumkin edi, deb hisoblaydi. Shuningdek, ushbu guruh vakillari "Real"da jiddiy kadrlar muammosi borligini ta’kidlamoqda.
Ikkinchi guruh esa Alonso davridagi natijalardagi so‘nggi yutuqlarni yetarli emas deb hisoblaydi. Bu odamlarni "Real" Xabi bilan qaysi yo‘nalishda ketayotgani tashvishga solmoqda.
